قازاقستان رەسپۋبليكاسى ۇكىمەتىنىڭ قاۋلىسى  №1154

2015 جىلعى 31 جەلتوقسان, استانا, ۇكىمەت ءۇيى «بولاشاق» حالىقارالىق ستيپەندياسىن تاعايىنداۋ ءۇشىن ۇمىتكەرلەردى ىرىكتەۋ قاعيدالارىن بەكىتۋ جانە «بولاشاق» حالىقارالىق ستيپەندياسىن جۇمساۋ باعىتتارىن ايقىنداۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 11 ماۋسىمداعى № 573 قاۋلىسىنا وزگەرىستەر مەن تولىقتىرۋ ەنگىزۋ تۋرالى قازاقستان رەسپۋبليكاسىنىڭ ۇكىمەتى قاۋلى ەتەدى: 1. «بولاشاق» حالىقارالىق ستيپەندياسىن تاعايىنداۋ ءۇشىن ۇمىتكەرلەردى ىرىكتەۋ قاعيدالارىن بەكىتۋ جانە «بولاشاق» حالىقارالىق ستيپەندياسىن جۇمساۋ باعىتتارىن ايقىنداۋ تۋرالى» قازاقستان رەسپۋبليكاسى ۇكىمەتىنىڭ 2008 جىلعى 11 ماۋسىمداعى № 573 قاۋلىسىنا (قازاقستان رەسپۋبليكاسىنىڭ ءپۇاج-ى, 2008 ج., № 30, 297-قۇجات) مىناداي وزگەرىستەر مەن تولىقتىرۋ ەنگىزىلسىن: كورسەتىلگەن قاۋلىمەن بەكىتىلگەن «بولاشاق» حالىقارالىق ستيپەندياسىن تاعايىنداۋ ءۇشىن ۇمىتكەرلەردى ىرىكتەۋ قاعيدالارىندا: 2-تارماقتىڭ 4) جانە 5) تارماقشالارى مىناداي رەداكتسيادا جازىلسىن: «4) جۇمىس بەرۋشى - قىزمەتكەر قازاقستان رەسپۋبليكاسىنىڭ اۋماعىندا قىزمەتىن جۇزەگە اسىرۋ بويىنشا ەڭبەك قاتىناستارىندا تۇراتىن زاڭدى تۇلعا; 5) ينجەنەرلىك-تەحنيكالىق قىزمەتكەرلەر - وندىرىستىك پروتسەستى, سونداي-اق ۇيىمدا تىكەلەي وندىرىستىك قىزمەتتى ۇيىمداستىرۋدى جانە باسقارۋدى جۇزەگە اسىراتىن جانە جوعارى ينجەنەرلىك-تەحنيكالىق ءبىلىمى بار قىزمەتكەرلەر;»; 4-تارماقتىڭ 3), 4), 5), 6) جانە 7) تارماقشالارى مىناداي رەداكتسيادا جازىلسىن: «3) كونكۋرسقا قاتىسۋ ءۇشىن قۇجاتتار تاپسىرۋ ساتىندە قازاقستان رەسپۋبليكاسىنىڭ عىلىمي ۇيىمدارى مەن ءبىلىم بەرۋ ۇيىمدارىنىڭ عىلىمي نەمەسە پەداگوگ قىزمەتكەرلەرى بولىپ تابىلاتىن, كەمىندە 2 (ەكى) جىل عىلىمي نەمەسە پەداگوگيكالىق جالپى جۇمىس ءوتىلى بار ماگيستر دارەجەسىن الۋعا ۇمىتكەرلەرگە (بۇدان ءارى - عىلىمي-پەداگوگ قىزمەتكەرلەر ساناتى); 4) كونكۋرسقا قاتىسۋ ءۇشىن قۇجاتتار تاپسىرۋ ساتىندە ينجەنەرلىك-تەحنيكالىق قىزمەتكەرلەر بولىپ تابىلاتىن, وندىرىستە كەمىندە 2 (ەكى) جىل جالپى, سوڭعى 12 ايدى قوسا العاندا, جۇمىس ءوتىلى بار ماگيستر دارەجەسىن الۋعا ۇمىتكەرلەرگە (بۇدان ءارى - ينجەنەرلىك-تەحنيكالىق قىزمەتكەرلەر ساناتى);»; 5) كونكۋرسقا قاتىسۋ ءۇشىن قۇجاتتار تاپسىرۋ ساتىندە قازاقستان رەسپۋبليكاسى ۇيىمدارىنىڭ عىلىمي, پەداگوگ, ينجەنەرلىك-تەحنيكالىق نە مەديتسينا قىزمەتكەرلەرى بولىپ تابىلاتىن كەمىندە 3 ء(ۇش) جىل جالپى, ونىڭ ىشىندە ماماندىعىنىڭ تاڭداعان سالاسىندا سوڭعى 12 (ون ەكى) اي جۇمىس ءوتىلى بار تاعىلىمدامادان وتۋگە ۇمىتكەرلەرگە (بۇدان ءارى - تاعىلىمداماعا ۇمىتكەرلەر ساناتى); 6) كونكۋرسقا قاتىسۋ ءۇشىن قۇجاتتار تاپسىرۋ ساتىندە مادەنيەت قىزمەتكەرلەرى, مادەنيەت ۇيىمدارىنىڭ شىعارماشىلىق قىزمەتكەرلەرى بولىپ تابىلاتىن, مادەنيەت ۇيىمدارىندا كەمىندە 2 (ەكى) جىل جالپى جۇمىس ءوتىلى بار ماگيستر دارەجەسىن الۋعا ۇمىتكەرلەرگە (بۇدان ءارى - مادەنيەت قىزمەتكەرلەرى, شىعارماشىلىق قىزمەتكەرلەر ساناتى); 7) كونكۋرسقا قاتىسۋ ءۇشىن قۇجاتتار تاپسىرۋ ساتىندە بۇقارالىق اقپارات قۇرالدارى رەداكتسياسىنىڭ قىزمەتكەرلەرى بولىپ تابىلاتىن, بۇقارالىق اقپارات قۇرالدارى سالاسىندا كەمىندە 2 (ەكى) جىل جالپى جۇمىس ءوتىلى بار ماگيستر دارەجەسىن الۋعا ۇمىتكەرلەرگە (بۇدان ءارى - بۇقارالىق اقپارات قۇرالدارى رەداكتسياسى قىزمەتكەرلەر ساناتى) تاعايىندالادى.»; 9-تارماق مىناداي رەداكتسيادا جازىلسىن: «9. مىنالار كونكۋرسقا قاتىسۋ شارتى بولىپ تابىلادى: 1) ءوز بەتىمەن تۇسكەندەر ساناتى بويىنشا قاتىساتىن ۇمىتكەرلەر ءۇشىن: تىزىمگە ەنگىزىلگەن شەتەلدىك جەتەكشى جوعارى وقۋ ورىندارىندا اكادەميالىق باعدارلامالاردا وقيتىندار - بۇكىل وقۋ كەزەڭىندەگى ۇلگەرىمىنىڭ ورتاشا بالىنىڭ تىزىمگە ەنگىزىلگەن شەتەلدىك جەتەكشى جوعارى وقۋ ورنىندا بەلگىلەنگەن باعالار جۇيەسىنە سايكەس كەمىندە «جاقسى» دەگەن باعاعا سايكەس بولۋى; ماگيستر, فيلوسوفيا دوكتورى (رش), بەيىن بويىنشا دوكتور دارەجەسىن الۋعا جانە رەزيدەنتۋرادا وقۋعا - باكالاۆر نەمەسە مامان ديپلومىنىڭ ورتاشا بالىنىڭ كەمىندە 3.0 (4.0/4.33-دەن) ورا بالعا نەمەسە جۇمىس ورگانى بەكىتەتىن «بولاشاق» حالىقارالىق ستيپەندياسىن تاعايىنداۋ ءۇشىن باعالار بالامالىعى كەستەسىنە (بۇدان ءارى - باعالار بالامالىعى كەستەسى) سايكەس ونىڭ بالاماسىنا سايكەس بولۋى; 2) مەملەكەتتىك قىزمەتشىلەر, عىلىمي-پەداگوگ قىزمەتكەرلەر, ينجەنەرلىك-تەحنيكالىق قىزمەتكەرلەر, بۇقارالىق اقپارات قۇرالدارى رەداكتسياسىنىڭ قىزمەتكەرلەرى ساناتتارى بويىنشا قاتىساتىن ۇمىتكەرلەر ءۇشىن - باكالاۆر نەمەسە مامان ديپلومىنىڭ ورتاشا بالى كەمىندە 3.0 (4.0/4.33-دەن) ورا بالعا نەمەسە باعالار بالامالىعى كەستەسىنە سايكەس ونىڭ بالاماسىنا جانە وسى ديپلوم بويىنشا ماماندىقتىڭ جۇمىس ورگانى بەكىتەتىن «بولاشاق» حالىقارالىق ستيپەندياسى شەڭبەرىندە شەتەلدە وقۋ ءۇشىن ماندەس ماماندىقتار تىزبەسىنە (بۇدان ءارى - ماندەس ماماندىقتار تىزبەسى) سايكەس شەتەلدە وقۋ ءۇشىن تاڭداپ العان ماماندىققا سايكەس بولۋى; 3) مادەنيەت قىزمەتكەرلەرى, شىعارماشىلىق قىزمەتكەرلەر ساناتى بويىنشا قاتىساتىن ۇمىتكەرلەر ءۇشىن - باكالاۆر نەمەسە مامان ديپلومىنىڭ ورتاشا بالى كەمىندە 3.0 (4.0/4.33-دەن) ورا بالعا نەمەسە باعالار بالامالىعى كەستەسىنە سايكەس ونىڭ بالاماسىنا سايكەس بولۋى.»; 10-تارماقتا: 1) تارماقشا مىناداي رەداكتسيادا جازىلسىن: «1) وسى قاعيدالاردىڭ 4-تارماعىنىڭ 2), 3), 4), 5), 6), 7) تارماقشالارىندا كورسەتىلگەن ۇمىتكەرلەر ءۇشىن, ونىڭ ىشىندە كونكۋرسقا فيلوسوفيا دوكتورى (ريۋ), بەيىن بويىنشا دوكتور دارەجەسىن الۋ ءۇشىن مەملەكەتتىك قىزمەتشىلەر, عىلىمي نە پەداگوگ قىزمەتكەر اراسىنان ءوز بەتىمەن تۇسكەندەر ساناتى بويىنشا قاتىساتىن ۇمىتكەرلەر ءۇشىن - جۇمىس ورگانى بەكىتەتىن نىسان بويىنشا جۇمىس ورنىن ساقتاۋ شارتىمەن مامان دايارلاۋعا جۇمىس بەرۋشىنىڭ ءوتىنىمىن (بۇدان ءارى — ءوتىنىم);»; 3) تارماقشا الىپ تاستالسىن; 4) تارماقشا مىناداي رەداكتسيادا جازىلسىن: «4) تاڭداپ العان ماماندىعىنىڭ/زەرتتەۋ تاقىرىبىنىڭ جانە وقۋ/تاعىلىمدامادان ءوتۋ ەلىنىڭ نەگىزدەمەسى كورسەتىلگەن جەكە كوزقاراستار مەن پىكىرلەر سۋرەتتەلگەن ەركىن نىسانداعى ۋاجدەمەلىك حات;»; 7) تارماقشا مىناداي رەداكتسيادا جازىلسىن: «7) قوسىمشاسى بار باكالاۆر نەمەسە مامان ديپلومىنىڭ تۇپنۇسقاسى مەن كوشىرمەسىن (تاعىلىمداماعا ۇمىتكەرلەر قوسىمشانى ۇسىنبايدى), سونداي-اق شەتەلدىك ءبىلىم بەرۋ ۇيىمىندا وقىعان بولسا - ءبىلىمى تۋرالى قۇجاتتى تانۋ جانە/نەمەسە نوستريفيكاتسيالاۋ تۋرالى كۋالىكتىڭ تۇپنۇسقاسىن جانە كوشىرمەسىن نە زاڭنىڭ 39-بابىنىڭ 8-تارماعىندا بەلگىلەنگەن ەرەكشەلىكتەردى ەسكەرە وتىرىپ, ءبىلىمى تۋرالى قۇجاتتى تانۋ تۋرالى وزگە دە قۇجاتتى. تۇپنۇسقالار سالىستىرعاننان كەيىن ۇمىتكەرگە قايتارىلادى;»; 9) تارماقشا مىناداي رەداكتسيادا جازىلسىن: «9) وسى قاعيدالارعا سايكەس تالاپ ەتىلەتىن ەڭبەك قىزمەتى كەزەڭدەرى ءۇشىن ەڭبەك قىزمەتىن راستايتىن قۇجاتتار, سونداي-اق اۋدارىلعان مىندەتتى زەينەتاقى جارنالارى تۋرالى ءۇزىندى كوشىرمەلەردىڭ تۇپنۇسقالارى مەن كوشىرمەلەرىن. تۇپنۇسقالار سالىستىرعاننان كەيىن ۇمىتكەرگە قايتارىلادى;»; 14) جانە 15) تارماقشالار مىناداي رەداكتسيادا جازىلسىن: «14) بار بولعان جاعدايدا, جۇمىس ورگانى بەكىتكەن بەلگىلەنگەن ەڭ تومەنگى تالاپتارعا سايكەس ناتيجەسى بار شەت تىلىنەن ەمتيحان تاپسىرعانى تۋرالى بەلگىلەنگەن نىسانداعى جارامدى رەسمي سەرتيفيكاتتىڭ كوشىرمەسىن جانە تۇپنۇسقاسىن. تۇپنۇسقالار سالىستىرعاننان كەيىن ۇمىتكەرگە قايتارىلادى; 15) بار بولعان جاعدايدا, جۇمىس ورگان بەكىتكەن بەلگىلەنگەن ەڭ تومەنگى تالاپتارعا سايكەس كەلەتىن ناتيجەمەن مەملەكەتتىك تىلدەن ەمتيحان تاپسىرعانى تۋرالى بەلگىلەنگەن نىسانداعى جارامدى رەسمي سەرتيفيكاتتىڭ كوشىرمەسىن جانە تۇپنۇسقاسىن. تۇپنۇسقالار سالىستىرعاننان كەيىن ۇمىتكەرگە قايتارىلادى;»; 16) تارماقشاداعى «انىقتامانى قوسىمشا ۇسىنادى.» دەگەن سوزدەر «انىقتامانى قوسىمشا;» دەگەن سوزبەن اۋىستىرىلىپ, مىناداي مازمۇنداعى 17) تارماقشامەن تولىقتىرىلسىن: «17) ەگەر ۇمىتكەر جەكە ءوزى قۇجاتتارىن تاپسىرا الماعان جاعدايدا, وكىلىنە نوتاريالدى كۋالاندىرىلعان سەنىمحاتتى ۇسىنادى.»; 11-تارماقتىڭ ءۇشىنشى بولىگى مىناداي رەداكتسيادا جازىلسىن: «قۇجاتتار وسى قاعيدالاردىڭ تالاپتارى مەن شارتتارىنا سايكەس كەلمەگەن جانە «ەلەكتروندىق ۇكىمەت» ۆەب-پورتالى نە حالىققا قىزمەت كورسەتۋ ورتالىقتارى ارقىلى ءوتىنىش بەرىلگەن كەزدە قۇجاتتار پاكەتى تولىق ۇسىنىلماعان جاعدايدا, اكىمشى «ەلەكتروندىق ۇكىمەت» ۆەب-پورتالى نە حالىققا قىزمەت كورسەتۋ ورتالىقتارى ارقىلى ءوتىنىش بەرىلگەن كۇننەن باستاپ 2 (ەكى) جۇمىس كۇنى ىشىندە قۇجاتتاردىڭ تالاپتارعا سايكەسسىزدىگىن جويۋ جانە جەتىسپەيتىن قۇجاتتاردى ۇسىنۋ قاجەتتىلىگى تۋرالى دالەلدى جاۋاپ بەرەدى.»; 13-تارماقتىڭ 4) تارماقشاسىنىڭ ءبىرىنشى ابزاتسى مىناداي رەداكتسيادا جازىلسىن: «4) ماگيستر, فيلوسوفيا دوكتورى (ريۋ), بەيىن بويىنشا دوكتور دارەجەسىن الۋى, رەزيدەنتۋرادا وقۋى ءۇشىن مەديتسينالىق ماماندىقتار جانە ونەر سالاسىنداعى ماماندىقتار بويىنشا ماماندار دايارلاۋدى جۇزەگە اسىراتىن مامانداندىرىلعان شەتەلدىك جوعارى وقۋ ورنىنىڭ ءۇش جانە ودان دا كوپ مىناداي ولشەمدەرگە سايكەس كەلمەۋى;». 2. وسى قاۋلى 2016 جىلعى 10 قاڭتاردان باستاپ قولدانىسقا ەنگىزىلەدى جانە رەسمي جاريالانۋعا ءتيىس. قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.